Panimula

Paano Mahihikayat ang mga Estudyanteng Pilipino na Mag-aral ng Wikang Chinese?

I.PANIMULA

   A. PANUKALANG PAHAYAG

Nahihikayat ang mga estudyanteng Pilipino na mag-aral ng wikang Chinese dahil sa magandang ekonomiya nito.

      B. INTRODUKSIYON / PAGLALAHAD NG SULIRANIN

          Sa mahigit 5,000 taong tanda ng China tila isang panaginip ang nangyari, nagkatotoo ang sinabi ni Napoleon Bonaparte, Emperador ng France noong 1804-1815 na, “ mayroong natutulog na higante sa silangang bahagi ng Asya at kapag nagising ito ay mabubulaga ang mundo.”

Ayon sa China Daily Asia Weekly, mula high school hanggang manggagawa sa komersiyo na ang demand ng wikang Chinese ay nananalaytay na sa 40 taon subalit ang dating pangulo ng ating bansa na si Ferdinand Marcos ay nilimitahan ang mga paaralang Chinese na ituro ng matagal na oras dahil ito’y paglabag sa teritoryo ng Pilipinas.

Nito lang 2009, base sa ginawang pag-aaral ng International Monetary Fund (IMF), ikalawa sa US ang China sa may pinakamalaking kita sa pangkalahatang gross domestic product at higit sa 10 porsyento ang inilawak nito sa pandaigdigang ekonomiya.

Sa kasalukuyang panahon ayon sa magasing Beijing Review (Disyembre 8, 2011), napakarami ng bansa ang nagiging interesado na pag-aralan ang wikang Chinese dahil sa estado ng ekonomiya nito at alam nila na ito ay magiging wika ng higit sa 6.8 bilyong katao sa buong mundo. Subalit sa kabila ng pagiging papular nito, sinabi ni Zhang Zhiping (awtor ng magasing Beijing Review) na ang Amerika, Europa at bansang Hapon ay hindi kinikilala ang papularidad nito sa kasalukuyan dahil alam nila na nakasaad sa regulasyon ng World Trade Organization (WTO) na kailangan muna ng China na umabot ng 15 taon upang kilalanin itong una sa ekonomiya. Taong 2001 lang naging miyembro ng WTO ang China kaya’t sa 2016 pa ito itatalaga bilang nangunguna sa ekonomiya.

Ayon naman sa librong “China’s Economic Growth and the ASEAN” na may pamagat na “China's Economic Growth and the ASEAN: Philippine APEC Study Center Network and Philippine Institute for Development Studies, Manila, “patuloy sa paglago ang ekonomiya ng China at sinasabing malaki ang naitutulong nito sa Global Economy. Napatunayan sa Philippine APEC Asia Pacific Economic Cooperation, isang Study Centre Network, na hindi lamang lumalago ang bansang China kundi maganda ang potential nito pagdating sa export and investment.

      C. REBYU / PAG-AARAL

          Ayon sa artikulo ni Jose Ma. H. Zaldarriaga na “When West Meets East: Impending Powershift in the Global Arena”, ang paggising ng China bilang makapangyarihang bansa ay dala ang pangako sa Silangan at kasamaang pwersa sa Kanlurang bahagi ng mundo. Sinabi din na ang shifting power ay ebidensya sa kung paano sila nagiging patas sa pandaigdigang krisis sa pinansiyal, ito ay naging sentro ng reaksyon sa dalawang panig na hindi matanggap ang pagiging una ngayon ng China. Subalit, marami sa ekonomista sa mundo ang sumang-ayon na ang China ang mas may magandang market.

          Gayunpaman, base sa ethnologue survey (2009), isang malawakang sanggunian ng wika sa mundo ay may 1.3 bilyong katao ang nagsasalita ng wikang Chinese o katumbas ng isa sa limang katao sa mundo ang makakausap mo sa wikang ito.

          Mula naman sa importanceoflanguage.com na may pamagat na "Importance of Chinese Language-Why study Chinese?", ang wikang Chinese ay isang magandang tuntunin upang makapasok sa ekonomiya ng China at makasalamuha ang 1.3 bilyong katao sa mundo. Isang patunay dito ay si Aniela S. Dizon (Nin Hao magazine) na nanalo sa isang patimpalak na may kinalaman sa wikang Chinese na ginanap sa Beijing noong nakaraang taon lamang. Ayon sa kanya, masaya siya dahil makakausap niya ang one-fifth na populasyon ng mundo at nabigyan siya ng pagkakataon para makisalamuha sa mga ito dahil alam niyang hindi lamang sa China may mga nag-aaral ng wikang Chinese kundi maging sa Amerika at Europa, kaya’t malawak na atmospera ang kinabibilangan niya.

Mula sa www.makingitfuninthephilippines.blogspot.com na may pamagat na "It’s Time to Encourage Mandarin for Filipinos” na ayon sa awtor ng blog na si Sean Akisuki, ang Pilipinas ay maaaring makipag-ugnayan sa China sa pamamagitan ng wika upang malutas ang kinakaharap ng Pilipinas sa larangan ng pagpapalawak ng ekonomiya nito at upang higit na magkaroon ng mabutihang transaksiyon.

          Sinasaad sa quora.com/benefits-of-learning-chinese ang malaking gampanin ng China sa larangan ng  oportunidad. Gayundin sa childbook.com/Why-Learn-Chinese? na ang nangungunang dahilan kung bakit marami ang nag-aaral ng wikang Mandarin ay dahil mahalaga at kailangan ito sa mundo ng kalakalan.

        Ayon naman sa www.bu.edu/micl/home/why-study-chinese/ ang wikang Chinese ay mahalaga sa karera ng bawat indibidwal dahil nangunguna sa listahan ng mga kompanya ang higit na kinukuha ay ang mga nakakapagsalita ng higit sa isang wika lalo na sa wikang Chinese. Sa pamamagitan ng ideyang tumatalakay sa benepisyo ng pagkatututo ng wikang Chinese ay mabibigyang-linaw ang mga estudyanteng Pilipino na mag-aral ng wikang Chinese.

       Ang progreso sa ekonomiya ng China ay nalaman na ng ating kapwa Pilipino. Ayon sa China Daily Asia Weekly, sinabi ni G. Armin Luistro, Kalihim ng Edukasyon sa Pilipinas, ang wikang Chinese ay nagiging wika na ngayon nang maraming Pilipino na nagtatrabaho sa ibang bansa dahil karamihan ay tinutumbok ang mga bansang gumagamit ng wikang nasabi tulad ng Taiwan, Hongkong at iba pa. Kaya’t hindi maikakailang mahalaga at kailangan ito ng mamamayang Pilipino sa pakikipagkomunikasyon dahil maraming bansa sa mundo ang gumagamit na ng wikang Chinese. Kaya naman isinama ito sa limang wika na maaaring ituro sa pampublikong paaralan sa Pilipinas. Makatutulong ang mga impormasyon na nakapaloob sa artikulong ito sa aming pananaliksik sapagkat ito isa sa maaring dahilan upang mahikayat ang mga estudyanteng Pilipino na matuto ng panibagong wika.

Ayon sa bu.edu.com na may pamagat na Why Study Chinese?, ang wikang Chinese ay susi sa napakaraming oportunidad na binubuksan at inaalok ng mga bansa sa Asya at Amerika dahil namumuhunan ang mga ito sa China at karamihan sa pinapagawang produkto ay nakasulat sa wikang Chinese kaya’t naghahanap sila ng Chinese Speaker upang maisalin ang mga gawang produkto ng China.

Mula naman sa Chineseconnects.com (April 30, 2014) na may pamagat na "Will Learning Chinese Help Me Get A Job? Career, Development and Importance in China" na tinatalakay na ang pag-aaral ng wikang Chinese ay mahalaga kaysa sa paghahanap ng trabaho at karera sa iyong sarili dahil ang pagkatuto ng nasabing wika ay isa sa makakatulong upang magkaroon ng pagkaka-unawaan ng kultura na magiging dahilan upang magtulungan ang bawat bansa. Sinasabi din dito na hindi hadlang ang kaibahan ng lahi upang matuto ng wikang Chinese.

Isa pang babasahin mula sa Beijing Review Magazine na may pamagat na “Is China A Market Economy?”, ang China ay nasa ikalawang pwesto pagdating sa International Trademark Application Through the Madrid System. Ang China sa ngayon ay maganda ang progreso  sa kanilang produkto dahil malaki ang nagiging benipisyo ng mga manggagawa at dumadami ang mga oportunidad sa pagkakaroon ng trabaho. Ang mga maiaambag nito ay ang sinasabing hindi lang maganda ang progreso ng China kundi lalo pang umuunlad ang kanilang market-oriented reforms. Ang impormasyong ito ay makakahikayat na mag-aral ng wikang Chinese.

Ito ay may kaugnayan sa aspekto ng kalagayan ng ekonomiya ng Tsina. Sa artikulong “Filipinos Will See How China’s Economy Grown Tremendously In Asia, sinasabi na ang mga pagkakataong mas pipiliin nilang pag-aralan ang Wikang Chinese dahil sila ay kilala sa larangan ng negosyo at pakikipagkalakalan  sa iba't-ibang bansa at ito ay makapagbibigay sa mga Pilipino ng permanenteng trabaho o negosyo.

D. LAYUNIN

            Layunin ng pananaliksik na ito na makapag-ambag sa kaalaman tungkol sa mga dahilan kung bakit nahihikayat ang mga estudyanteng Pilipino na mag-aral  ng wikang Chinese.

             Nais din na maisa-isa ang mga benepisyong maidudulot ng pagkatuto ng wikang ito at ang maitutulong nito sa mga Pilipino na pag-aralan ang wikang Chinese.

           Gayundin ang mahikayat ang mga Pilipino na malaman ang estado ng ekonomiya ng China sa kasalukuyang panahon. Magiging daan din ito sa kabataan  upang mahikayat na magkaroon sila ng interes na  pag-aralan ang nasabing wika.

              Nais din ng mga mananaliksik na mag-ambag ng impormasyon at ideya na maaaring magamit sa mga susunod na pananaliksik na may kinalaman sa wikang Chinese.

E.HALAGA

              Makatutulong ang pananaliksik na ito sa mga Pilipinong nagnanais matuto ng wikang Chinese. Makikinabang ang mga mag-aaral na kukuha ng kursong pagtuturo ng wikang Chinese sapagkat maipapakita sa kanila ang malaking oportunidad na naghihintay sa pagkatuto ng nasabing wika at mahihikayat ang mga mag-aaral ng Wikang Tsino na paghusayan ang pag-aaral nito.

             Makatutulong din ito sa mga paaralang Chinese na nangungumbida ng mga estudyanteng Pilipino tulad ng mga mananaliksik na nahikayat lamang ng mga paaralang Chinese dahil sa malawakang ekonomiya nito at sa scholarship. Gayundin, mahalaga ito sa mga kompanya na naghahanap ng mga Chinese speaker upang mapa-unlad pa ang mga trabaho na may kinalaman sa wikang Chinese.

          Mula sa pananaliksik ay mabibigyang diin ang kahalagahan ng Wikang Tsino sa panahon ngayon. Makapaglalaan din ang pananaliksik ng mga impormasyon na kinakailangan ng mga mag-aaral ng wikang Chinese at mga ideya ukol sa mahalagang gamit ng wikang ito.

F. KONSEPTWAL NA BALANGKAS

          Ang magandang ekonomiya ng China ay gagamiting panghikayat sa mga estudyanteng Pilipino upang mag-aral ng wikang Chinese para makakakuha sila ng magandang oportunidad na makakatulong din sa ekonomiya.

G. METODOLOHIYA

          Ang mga mananaliksik ay nagsagawa ng survey questionnaire para sa mga estudyanteng Pilipino ng Philippine Cultural College upang malaman kung paano sila nahikayat na mag-aral ng wikang Chinese. Aalamin din kung alin sa mga salik: pansariling kagustuhan, kagustuhan ng magulang o scholarship ang maaaring naging dahilan kung bakit sila nahikayat na mag-aral ng wikang Chinese. Humingi ng kopya ng listahan ng mga Pilipinong mag-aaral sa Registrar ng paaralan na si Ms. Rona de Guzman. Napag-alaman na bukod sa mga mag-aaral ng BSE-TCSL, may lima pang estudyanteng Pilipino ang nag-aaral ng Wikang Chinese na nasa ibang kurso. Kumuha ng siyam (9) na mag-aaral mula sa kursong BSE-TCSL (Bachelor of Secondary Education-Major in Teaching Chinese as Second Language). Nagtanong din ang mga mananaliksik kay Ms. Natividad Tiu, isang propesor na nagtuturo ng Wikang Chinese na kung mayroong estudyanteng Pilipino mula sa Highschool Department.

H. SAKLAW / DELIMITASYON

          Ang mga mananaliksik ay nagsagawa ng sarbey sa Philippine Cultural College. Labinlimang estudyante ang kabilang sa sarbey sapagkat sapat na ito upang makakalap ng impormasyon kung paano sila nahikayat. Ilan sa mga estudyanteng ito ay mga high school at college na purong Pilipino na nag-aaral ng wikang Chinese. Kumuha ng siyam (9) na mag-aaral mula sa kursong BSE-TCSL (Bachelor of Secondary Education-Major in Teaching Chinese as Second Language). Nagtanong din ang mga mananaliksik kay Ms. Natividad Tiu, isang propesor na nagtuturo ng Wikang Chinese na kung mayroong estudyanteng Pilipino mula sa Highschool Department (5).

I.  DALOY NG PAG-AARAL

II. KATAWAN

Mula sa artikulong China Economy ng E.W World Economy na nailathala noong Hunyo 4, 2014 na nagsasaad na ang bansang China ay pangalawa sa may maunlad na ekonomiya sa lahat ng bansa. Ayon sa GDP (current prices, US Dollar) at GDP (PPP) na noong 2012 ang GDP (current prices, US Dollar) ng China ay umabot sa US$ 8.227 trilyon at GDP (PPP) na umabot sa US$ 12.405. Kaya’t titignan kung ang magandang ekonomiya ba ng China ang magiging dahilan upang mahikayat ang mga estudyanteng Pilipino na pag-aralan ang wikang Chinese.

 Gumawa ang mga mananaliksik ng isang sarbey para  sa mga estudyanteng Pilipino ng Philippine Cultural College na nag-aaral ng wikang Chinese. Nakapaloob dito ang mga posibleng dahilan kung bakit nahikayat ang mga Pilipinong estudyante na mag-aral ng wikang Chinese tulad ng pansariling kagustuhan, kagustuhan ng mga magulang, at dahil sa scholarship. Mula sa ginawang sarbey sa 15 estudyanteng Pilipino, lumalabas na ang pinakamalaking porsiyento ng sagot ay ang pansariling kagustuhan at kagustuhan ng magulang dahil sa magandang oportunidad na makukuha nila tulad ng pagkakaroon na magandang trabaho na makakatulong upang tumaas ang kalidad ng kanilang pamumuhay. Ayon sa isang mag-aaral na high school ng Philippine Cultural College na purong Pilipino, pinag-aral siya ng kanyang mga magulang ng wikang Chinese dahil ang mga ito ay negosyante na nakikipagtransaksyon sa mga Chinese.

Mula sa mga sagot na nakalap ng mga mananaliksik, lumalabas na pare-pareho lamang ang magiging resulta ng pag-aaral ng wikang Chinese kahit pansariling kagustuhan man, kagustuhan ng magulang o scholarship. Ayon na rin sarbey, nag-aaral ang mga estudyante ng wikang Chinese dahil inaasahan nila na magkakaroon ng magandang oportunidad sa hinaharap.

          Nakapaloob sa pansariling kagustuhan na isinulat ng mga estudyanteng Pilipino na nakilahok sa sarbey ang mga dahilan sa pagpili nila na matutuhan ang wikang Chinese. Ayon sa kanilang isinagot ito ay pansarili nilang kagustuhan sapagkat alam nila ang estado ng ekonomiya ng China ,alam din nila na ang pagkatuto ng wikang Chinese ay makapagbubukas sa kanila ng malalaking oportunidad sa trabaho kapag sila ay nakapagtapos sa kolehiyo.

          Gayundin naman sa kagustuhan ng mga magulang Ilan sa mga Estudyante ng Philippine Cultural College ay nahikayat na mag-aral ng wikang Chinese dahil sa kanilang mga magulang.Sinasabi nila na nais ng kanilang magulang na sila ay matuto ng wikang Chinese sapagkat maraming trabahong nag-aabang sa kanila kapag sila ay marunong ng wikang ito at isa rin sa dahilan ay  ang kalagayan ng bansang China ngayon na isa  sa mga nangungunang bansa na may pinakamataas na ekonomiya kaya naman sila ay sumunod sa payo ng kanilang mga magulang.

          Ang iba namang kasagutan ay tungkol sa Scholarship na natatanggap sa pag-aaral ng wikang Chinese, sinasabi nila na ang kahirapan sa buhay ang nagtulak sa kanila upang matuto ng wikang Chinese dahil sa scholarship na inaalok nito sa mga estudyanteng Pilipino at ang mga benepisyong hatid nito sa kanila gaya na lamng ng pagkakaroon ng magandang trabaho.

 SANGGUNIAN

Akisuki Sean, "It’s Time to Encourage Mandarin for Filipinos”, www.makingitfuninthephilippines.blogspot.com

Martin K.A., China Slowdown Biggest Threat to Asia, The Philippine Star, 2015

Morrison W.M., China’s Economic Rise: History, Trends, Challenges and Implications for the United States, Congressional Research Service, 2014

Wong K.C., The Chinese in The Philippine Economy, Kaisa Para sa Kaunlaran Inc., 1999

Zaldarriaga J.M., When West Meets East: Impending Powershift in the Global Arena, Philippine Panorama, pp.10-11, 2012

Zaide Dr. G.F., Contribution of Aliens to the Philippine Economy, Kaisa Para sa Kaunlaran Inc.

Zhang Zhi Ping, Is China A Market Economy?, Beijing Review, Disyembre 8, 2011, p.24

quora.com/benefits-of-learning-chinese, childbook.com/Why-Learn-Chinese?

bu.edu.com ,Why Study Chinese?

Chineseconnects.com "Will Learning Chinese Help Me Get A Job? Career, Development and Importance in China", (April 30, 2014)